Motxila mendian
derrigorrezko zama

Motxila, funtsezko osagaia da mendizalearentzat. Elikagai, erropa, eta mendi jarduerarako behar diren gauzak garraiatze lana betetzen du.
Bere diseinu, edukiera eta pisuak dute gure txango edo ibilaldiaren gozamenarekin zerikusia.
Diseinu aldetik jaso du motxilak eboluziorik handiena. Azken urteotan mendi ibilaldietarako, eskalatzeko, eskiatzeko motxila bereziek diseinatu dituzte, baita emakumezko edo gizonezkoen?tzat aproposak direnak ere.
Motxilak egiteko gehien erabiltzen den materiala poliamida da, dituen gaitasun mekanikoengatik.
Sorbaldako tirante eta gerrikoa osagai gozo, leun eta erosoekin egiten dira, horrela, beso eta esku minzurri, bizkar eta hanketako kalteak ekiditen dira.
Hain garrantzitsua den; sorbaldetan %60 eta gerrian %40 pisu banaketa lortzeko, gerrikoaren erabilera egokia funtsezkoa da. Lotura hauek eta bizkar anatomiari behar bezala egokitzeak, ibilaldiaren erosotasuna eta inongo minik edo kalterik ez izatea dakarte.
Motxilaren tamaina, duen barnera, litrotan neurtu ohi da. Goizetakoak egiteko 20/40 litro bitarteko edukiera dutenak komeni zaizkigu; asteburuetarako 40/60 litrokoak eta irteera luzeetarako berriz 65 litro baina geihagoko edukiera dutenak.
Pisua, mendizalearentzat aurkaria da, beraz, beharrezkoak diren gauzak bakarrik sartuko ditugu gure motxilan, norberaren %20 baina gehiagoko pisua inoiz gainditu gabe.
Motxila arinean, aldatzeko eta babes erropa, energetiko elikagaiak, ura, mapa, iparorratza edo/eta GPSa, mugikorra,... sartuko ditugu, baita sendagai batzu ere.
Azkenik, ahaztu gabe, motxila barneko pisu banaketa buruz lau hitz. Pisu gehien duten gauzak, bizkar ondoan eta gaikaldean jarriko ditugu, arinenak azpialdean eta tartekoak berriz, atzepartean.